Pormal a nangrugi ti Strawberry Festival sadiay La Trinidad Benguet ita nga aldaw.
Kagiddan dayta, nailukat met ti Strawberry Lane iti municipal ground nga indauluan dagiti opisyales sadiay.
Nakipasetan metlaeng daytoy dagiti umili sadiay pakairamanan dagiti turista.
Nagserbi kas guest speaker ni Hilarion L. Pawid, sigud a mayor sadiay La Trinidad idi 1976 agingga 1986.
Maidiaya ditoy dagiti nagduduma nga strawberry products kas iti strawberry jam, strawberry cake ken dadduma pay.
Daytoy ket paset metlaeng ti manarimaan nga Strawberry Festival idiay La Trinidad nga addaan iti tema a “Semek La Trinidad” ken agleppas inton March 30, 2025.
Gapu iti dayta, maal-allukoy met ti publiko a makipaset ken bumisita iti nasao a munisipyo ta pasyaren ken gumatang kadagiti lako iti strawberry lane.
