Nadismiss ti lima a Land Transportation Office (LTO) traffic enforcers kalpasan a nairamanan dagitoy iti viral nga insidente sadiay Panglao, Bohol itay nabiit.
Sigun kenni Department of Transportation Secretary Vince Dizon kabayatan ti naipatungpal a press conference, epektibo a nadismiss dagiti law enforcers ita nga aldaw.
Maibasar iti agvi-viral a video, makita ti maysa a lalaki a nakalugan iti motorsiklo daytoy idi tiniliw dagitoy dagiti traffic enforcers.
Pinababada met daytoy iti motorsiklona bayat a mangegan ti imbaga ti motorista a daytoy ket maysa a mannalon rason nga adda iggemna a bolo wenno itak.
Nopay kasta,inarestar ladta dagitoy dagiti enforcers ken naikulong iti custodial facility ti Panglao Police Station.
Kabayatanna, nangiruar metten iti statement ti Land Transportation Office (LTO) Region 7 maipapan ti panagbabawida iti nasao nga insidente.
