Nakasaganan ti Brgy. Irisan, Baguio City para iti inagurasyon ti baro nga Irisan Multi-Purpose Building dagitoy inton Marso baente uno.
Iti pannakiuman ti Bombo Radyo kenni Irisan Brgy. Captain Arthur Carlos, kinunana a maragsakan dagitoy kasta metten dagiti umili ken dadduma pay para iti pannakaiturn-over ti nasao a pasdek.
Sigun kenkuana, naragsak dagitoy gaputa nabayagen a kararagda ti pannakapabaro ti barangay hall dagitoy.
Nagyaman metlaeng daytoy iti panagsuportar ti city government kadakuada babaen iti panangipaayda iti pundo a naaramat iti daytoy.
Kagiddan dayta, al-allukuyenna dagiti umili ken dagiti kayatna a makaimatang iti nasao nga inagurasyon a makipaset dagitoy iti nasao nga aldaw.
Kabayatanna, kinunana a posible a matamaan iti road widening ti sigud a barangay hall dagitoy ngem no saan ket posible a maaramat daytoy a pagadalan dagiti day care students.
