Impasigurado ti gobierno ti Pilipinas a mangisayangkat dagiti kaalyado ti pagilian kadagiti addang tapno makontra ti aniaman a gandat ti China a mangipatungpal iti air defence zone wenno manglapped iti wayawaya ti panagtayab iti rabaw ti South China Sea.
Daytoy ti pakdaar ni Defence Secretary Gilberto Teodoro kalpasan ti komprontasion dagiti eroplano ti China ken dagiti eroplano ti pagilian a kas ti Australia ken Estados Unidos.
Sigun kenni Teodoro, ti agtultuloy nga agresibo nga isaysayangkat ti China iti baybay a paset ti Pilipinas ket maibilang a kadakkelan a pangta iti national security ti pagilian.
Patienna pay a maibilang daytoy kas “global threat.”
Iti agdama, awan pay ti reaksion manipod kadagiti Chinese officials.
Maipalagip a dimmakel dagiti komprontasion seknan iti baybay, nga ikalkalintegan ti Beijing a kukuada amin a paset, iti nagbaetan dagiti puersa ti coast guard ken navy ti China ken Pilipinas iti napalabas a dua a tawen.
