Maipaayan iti medalya ti pulisya a nagsagrap ti bukol iti paset ti ulona kalpasan a pinang-uran ni Honeylet Avanceña bayat ti pannatiliw ti partnerna a ni sigud a President Rodrigo Duterte.
Daytoy ti impakaammo ti Philippine National Police – Criminal Investigation and Detection Group ita nga aldaw.
Malaksid iti daytoy, kinuna metlaeng ni CIDG chief Police Major General Nicolas Torre III a maipaayan metlaeng ti nasao a pulis iti tallo nga aldaw a leave.
Ti Medalya ng Sugatang Magiting ket maipapaay kadagiti pulis a masugatan gapu iti panangipatungpalda iti trabahoda kontra iti kalabanda.
Dinakamat met ni Torre a kasaritada ti pulis a nadangran kalpasan nga impeksana a mangipila daytoy iti direct assault complaint kontra kenni Avanceña, ti common-wife ni sigud a President Duterte.
