Balligi a naipatungpal ti “Owik Tan Tayao” ken ti “Multicultural Celebrations” iti municipal gym ti La Trinidad, Benguet idi kalman kas paset iti manarimaan nga strawberry festival.
Ti Owik Tan Tayao ket maysa a cultural dance presentation kasta met ti panakaowik ti maysa a baboy a mangipakpakita iti panakaitandudo iti nabaknang a kultura iti rehiyon Cordillera.
Pinasetan met daytoy dagiti pito a group performers ken maysa a solo performer manipud kadagiti nagduduma a babbarangay iti nasao a munisipiyo.
Sigun kenni Mayor Romeo Salda, ti Owik tan Tayao ket maysa a wagas tapno mapreserba iti kultura kasta met a gundaway para iti panagyaman kadagiti amin a graysa a naawat dagitoy ken kadagiti nagbalin nga accomplishments dagitoy.
Iti sabali a bangir, nakipaset iti nasao nga aktibidad dagiti pagilian a Guam, Malaysia ken Japan no sadino nagyaman dagitoy gapu iti panakaimbitarda.
Kabayatanna, al-allukoyan ni Salda ti publiko a makipaset kadagiti nabatbati nga aktibidad iti Strawberry Festival nangruna iti higlights ti piyesta dagitoy a kas iti Drum & Lyre, Dance Feromances, Float Parade ken ti Strawberry Cake Fest.//Bombo Noveh Organo
