Impagarup ti maysa a lolo, ti nobyo ti apona a babae nga agtatakaw rason a pinaltuganna daytoy a nangitunda iti ipupusay ti lalaki.
Maibasar iti report, nagbisita ti 36-anyos a lalaki iti pagtaengan ti nobiana sadiay Valencia, Negros Oriental.
Nakapagsarita met ti biktima ken ti nobiana iti salas ti balay dagitoy sakbay a sinumrek iti kuarto ti nobyana.
Nupay kasta, matmaturog ti 83-anyos a lolo iti kwarto ti apona rason nga idi sinumrek ti biktima impagarup ti lakay nga agtatakaw daytoy rason a dagusna a pinaltugan.
Natiliw met ti suspek ken naidarum daytoy iti kaso a murder ken illegal possession of firearms.
Nupay kasta, awan ti statement ti nobia ti lalaki seknan iti napasamak bayat nga impaganetget dagiti kabagian ti biktima a saan nga agtatakaw ti lalaki.//BLNC Riza Doñamal
