Impakaamo ti lead legal counsel ni sigud a President Rodrigo Duterte a nalpasen ti core defense team ti kliyentena para iti International Criminal Court (ICC) proceedings, ken saan a paset daytoy ni sigud a a presidential spokesperson a ni Harry Roque.
Sigun kenni Atty. Nicholas Kaufman, abogado ti sigud a presidente, kinunana a kumpleton ken posible a mairuar dagiti nagan iti publiko ita nga aldaw wenno inton Lunes.
Idi nadamag nu adda posibilidad a mairaman ni Roque iti defense team, insungbat ni Kaufman nga agkidkiddaw ni Roque ti political asylum idiay Netherlands ken interamente a saan a maitunos iti panggedan iti Korte.
Idi laeng Marso, nangipila ni Roque ti asylum idiay Netherlands.
Maipalagip nga idi Setiembre idi napalabas a tawen, na-cite in contempt ni Roque babaen ti House Quad Committee ken naibilin ti pannakaibaludna kalpasan a nagkedked a mangisubmitir kadagiti dokumento a mangikalintegan ti panagadu ti kinabaknangna.
