Kinumpirmar ti abogado ni retired police colonel Royina Garma a nagaplikar isuna ti “asylum” wenno pagkamangan idiay Estados Unidos.
Sigun kenni Department of Justice (DOJ), Atty. Emerito Quilang, nagaplikar ni Garma idi Nobiemre idi napalabas a tawen kasaruno ti pannakatiliwna iti nasao a pagilian gapu iti kanselado a visana.
Kinuna ni Quilang a ti inisial a panagdingngeg ket naituding idi Abril 2 ngem nakanselar daytoy.
Maipalagip a pimmanaw ni Garma iti Pilipinas kalpasan a nakipaset iti panagdingngeg iti House Quad Committee seknan iti drug war ti administrasion ni Duterte.
Bayat ti panagdingngeg, nainaig ni Garma iti pannakapapatay ni Philippine Charity Sweepstakes Office board secretary a ni Wesley Barayuga, banag a pinaglibakanna.
Iti agdama, sumangsango ni Garma ken ti sigud a NAPOLCOM Commissioner Edilberto Leonardo iti reklamo a murder ken frustrated murder iti pammapatay kenni Barayuga.
