Impakammo ti Philippine Eagle Foundation a pimmusay ti maysa kadagiti ay-aywanan dagitoy a Philippine eagle a ni Riley.
Nupay kasta, saandan nga impakaammo ti rason ti ipupusay daytoy ngem maipatpatungpal ti full necropsy tapno maammuanda ti rason ti ipupusay ti nasao nga eagle.
Maipalagip a ni Riley ket kaunaan a Philippine eagle a nagpissa iti itlogna nga awanan iti human intervention iti foundation breeding facility.
Kabayatanna, pinagyamanan ti Philippine Eagle Foundation dagiti animal keepers, veterinarians ken dagiti support staff iti panangtaripatoda iti nasao nga eagle.
Al-allukuyenda metlaeng ti publiko para iti agtultuloy a suportada dagiti conservation efforts dagitoy a mangsalaknib kadagiti national bird ken dadduma pay nga atap nga ayup.
