Natiliwen ti tallo a suspek iti panangkidnap ken nangpapatay iti maysa a Filipino-Chinese a negosiante a ni Anson Que ken ti driver day.
Simmuko iti pulisia ti mapapati a mastermind a ni David Tan Liao kalpasan a natiliw dagiti dua a kakaduana a da Richardo Austria David, pagaammo met kas Richard Tan Garcia, ken Raymart Catequista sadiay Roxas, Palawan idi Abril 18, 2025, iti alas 3 ti bigat.
Sigun kenni PNP Spokesperson P/B/Gen. Jean Fajardo, naiplano ti krimen manipud idi Enero.
Naidarum dagiti tallo a suspek iti kaso a kidnap for ransom with homicide.
Saan pay a naammuan no mainaig ti insidente iti operasion ti POGO, sigun kadagiti imbestigador.
Agtultuloy ti panagimbestigar ti PNP kadagiti dadduma pay a posible a motibo iti nasao a krimen.
Mapapati a napateg nga addang ti pannakatiliw dagiti suspek iti panangsapul iti hustisia para kadagiti biktima.
