--Ads--
Balligi a nadiskubre ti aggatad iti agarup P1.1 million a marijuana stalks bayat ti naipatungpal a marijuana eradication sadiay Sitio Adawi, Tacadang, Kibungan, Benguet.
Naballigi ti nasao nga operasyon babaen iti nagtipon a pwersa dagiti otoridad manipud iti 2nd Benguet Provincial Mobile Force Company, Kibungan Municipal Police Station, Provincial Intelligence Unit ken dadduma pay a yunit dagiti otoridad.
Ti nasao nga operasyon ket nagresulta iti pannakadiskubre ti 9.57 a kilo ti dried marijuana stalks.
Dagus met a pinuoran daytoy dagiti otoridad iti mismo metlaeng a nakadiskubreanna bayat a naala met ti umdas a sample a maaramat para iti qualitative test.
