Inlawlawag ti maysa kadagiti saan a nagpabigbig a retailers iti Baguio public market a maysa kadagiti rason nu apay nga adda iti shortage ti supply ti karne ti baboy ket gapu ta adu dagiti politiko nga agkonkontrata kadagiti piggery para iti panagkampanya dagitoy.
Malaksid iti dayta, ibagbaga dagiti dadduma a ti maysa a rason ti shortage ti supply ti baboy ket gapu ta nabuntog a panagdakkel ti baboy ita a summer.
Gapu iti dayta, kinuna dagiti dadduma a nasaysayaat no frozen amin dagiti baboy a mailako tapno agpapada ti nababa a presyo daytoy.
Iti sabali a bangir, sumagmamano ti umannamong iti market development tapnu maymaysa a lugar ti ayan ti meat section, fish section ken dadduma pay.
Umannamong pay dagitoy tapno nadaldalus ti merkado kas kadagiti parapubliko a merkado kadagiti nagduduma a probinsya.//Bombo Noveh Organo
