Agtaltalinaed ti linak ken kappia iti intero nga Ifugao kasaruno ti umadanin nga eleksyon.
Iti pannakiuman ti Bombo Radyo kenni Police Lieutenant Jennifer Baguidubol, Public Information Officer ti Ifugao Police Provincial Office kinunana nga awan ti aniaman nga eleksyon related incidents a nailista dagitoy kasta metten nga awan ti natiliwanda a naglabsing iti gun ban.
Kinuna pay nga awan ti political rival sadiay gapu ta adda ti respeto dagiti kandidato iti tumunggal maysa.
Nupay kasta, kaadduan a mailislista dagitoy ket ti vehicular traffic accident.
Gapu iti dayta, nagballaag daytoy iti publiko nga agannad tapno maliklikan ti aksidente.
Kabayatanna, innayonna nga adda dagiti tourist information centers kadagiti amin a tourist spots sadiay rason nga awan ti pagdanagan dagiti turista.
Malaksid iti dayta, silulukat metlaeng a kanayon ti opisina dagitoy para iti panang-asistar kadagiti agkasapulan.
