Impakaammo ti Philippine Statistics Authority a dumanon iti 18 million a junior high school graduates ti maikonsidera a “functional illiterate” wenno dagiti addaan iti parikut iti comprehension ken pannakaawat.
Naibutaktak daytoy bayat ti Senate basic education committee hearing on the results of the 2024 functional literacy, education and mass media survey (FLEMMS).
Sigun kenni Senator Sherwin Gatchalian, committee chairperson, impakita metlaeng ti Philippine Statistics Authority ti datos dagitoy no sadino 79 million a constituents ti maikonsidera a functional literate iti sidong ti 2019 parameters of the study.
Ditoy met a nabigbig a dagiti junior high school graduates ti kaadduan iti nasao a bilang.
Gapu iti dayta, impetteng ni DepEd chief education program specialist Rosalina Villaneza a mangipatungpal dagitoy iti assessment para iti Informal Reading Inventory (PHIL-IRI) inton sumaruno nga school year tapno masolosyunan ti nasao a pakaseknan.
