--Ads--
Nagduduma a grupo ti nagprotesta iti pagilian para iti kiddaw dagitoy a wage hike nangruna iti P1, 200 living wage ken ti P200 legislated wage hike kagiddan ti Labor Day ita nga aldaw.
Sigun iti Kilusang Mayo Uno, mangipatungpal dagitoy iti protesta sadiay Manila, Pampanga, Laguna, Iloilo, Cebu, Davao ken siudad ti Baguio.
Impetteng ti nasao a grup a kasapulan a maideklara ti P1200 kas urgent ken necessary gapu ta kas maibasar iti panagadal dagiti eksperto ket daytoy ti sueldo a makabiyag.
Innayonda pay a dagiti maipatpatungpal a libre a transportasyon ken job fairs ket publicity stunts laeng.
Kabayatanna, makidkiddaw metten kenni President Ferdinand Marcos Jr. ti panagsertipikarna iti P200 legislated wage hike kas urgent.
