--Ads--
Inwaragwag ti legal team ti aktres ken komedyante a ni Rufa Mae Quinto idi laeng kalman a na-dissmiss ti reklamo a naipila kontra kenkuana gapu iti mapapati a panaglabsingna iti Securities Regulation Code gapu iti technicality.
Sigun iti abogadona a ni Atty. Joel Aspiras, ti pannaka-dismiss ket nakabasar iti procedural grounds, gapu ta napaay dagiti nagreklamo a nangipila iti kaso iti Securities and Exchange Commission (SEC) sakbay a direkta nga impaayda iti opisina ti piskal.
Nairuar ti desision ti korte idi Abril 24, ken patien ti abogadona a nabang-aran ni Quinto, a simmango iti panangusig ti publiko sipud idi naipila dagiti reklamo.
