--Ads--
Pinagyamanan ti Department of Education (DepEd) dagiti manursuro ken dadduma pay a poll workers gapu iti “commitment” ken “civic spirit” nga impakitada bayat ti pannakaisayangkat ti eleksion.
Maibasar iti rekord ti nasao nga ahensia, dumanon iti 758,549 poll workers ti naibaon iti nagduduma a lugar iti pagilian tapno makatulong a maipasigurado ti natalna, patas ken nasayaat nga eleksion.
Iti nasao a bilang, nasurok 660,000 ket personnel ti Department of Education.
Sigun kenni Education Secretary Sonny Angara, saludo isuna kadagiti amin a timmulong a manursuro ken dadduma pay nga indibdidual manipod idi nangrugi ti eleksion agingga a nagleppas daytoy.
