Agbalbalin a saludsod no sino ti agtakem kas mayor ti Davao City kalpasan a a nangabak ni sigud a President Rodrigo Duterte iti nasao a posisyon.
Nupay kasta, daytoy ket nakadetain sadiay The Hague, Netherlands gapu iti kaso a sangsangoenna iti International Criminal Court maipapan iti administrasyonna a war on drugs.
Sigun kenni Commission on Elections (Comelec) spokesperson Atty. John Rex Laudiangco, hurisdiksyon dagitoy a mangiproklama kenni Duterte gapu ta nangabak daytoy ngem ti Department of the Interior and Local Government ti mangibaga no sino ti mangipatungpal iti “functions” ti kina-mayor sadiay Davao City gapu iti agdama a sitwasyon ni Duterte.
Kinuna ni Atty. Laudiangco., dagiti nakadetain a kandidato ket mabalin ladta a maiproklama a nangabak la ketdi awan iti pammilin manipud iti korte wenno iti Commission on Elections a mangsus-suspindir iti panakaiproklama dagitoy.
Iti proclamations dagiti nangabak, saan met a kasapulan ti pisikal a presensya dagiti kandidato.
Iti panagtaray ni Duterte kas mayor sadiay Davao City, daytoy ket nakaala iti 662, 630 a botos.
