Inlawlawag ti Commission on Elections (Comelec) a kasapulan ti election protest para iti manual a pannakabilang dagiti eleksyon 2025 votes kalpasan ti kiddaw ni senatorial candidate ken religious leader Apollo Quiboloy.
Sigun kenni Comelec spokesperson Rex Laudiangco, nairuar ti nasao nga statement kas sungbat iti kiddaw ni Quiboloy a manual recount iti botosna iti kaleppas nga eleksyon.
Kinunana a kadagiti parties a panggepna a mangkwestiunar iti resulta ti botos dagitoy a mangipilada iti election protest.
Impetteng ti nasao nga opisyal a mapasamak laeng ti manual recount iti dua a sitwasyon kas iti random manual audit (RMA) ken no adda ti naipila nga election protest.
Inrugi payen ti poll commission ti random manual audit (RMA) para iti eleksyon 2025 kas mandato iti Republic Act 9369 wenno ti Election Automation Law.
Innayon pay ni Laudiangco a ti nasken a mangipaay ti petitioner iti basaran no apay a kasapulan a malukatan manen dagiti balota.
