--Ads--
Mangrugi a maawat dagiti kwalipikado a government workers a pakairamanan dagiti uniformed personnel ti midyear bonus dagitoy ita nga aldaw, Mayo a 15, 2025.
Sigun kenni Budget Secretary Amenah Pangandaman, ti midyear bonus ket katukadna ti maysa a bulan a sweldo.
Dumanon met iti P63.695 billion ti nailatang para iti 2025 midyear bonus kadagiti kwalipikado a personnel.
P47.587 billion ti para kadagiti civilian personnel bayat a P16.108 ket para kadagiti military wenno uniformed personnel.
Maibasar iti Department of Budget and Management Circular No. 2017-2 dagiti personnel a nangipaay iti serbisyoda manipud Hulyo a uno iti napalabas a tawen agingga Mayo a kinse iti agdama a tawen ket mabalin a maipayan iti bonus.
