Idagdagadag ni Senate President Francis Escudero ni President Ferdinad Marcos Jr. nga iyadayona ti bagina kadagiti “reckless allies”.
Kasaruno daytoy iti imbilin ti presidente a mangisubmitir dagiti Cabinet Officials iti courtesy resignation.
Sigun kenni Senate President Escudero, maysa daytoy nga addang tapno maipaay ti gobierno ti namnamaen dagiti Pilipino seknan iti serbisio ken performance.
Innayon pay ni Escudero a kasapulan ti presidente dagiti “alter egos” a mapagtalkanna a mangipatungpal kadagiti programa ti gobierno.
Impetteng ti nasao nga opisial a daytoy paylaeng ti rugi ken addu paylaeng dagiti kasapulan a maaramid.
Kabayatanna, kinuna met ni Senate President Pro Tempore Jinggoy Estrada a ti addang ni President Marcos Jr. ti maiparbeng a disisyon tapno maisubli ti panagtalek dagiti Pilipino kadagiti institusion ti Gobierno.
Mainaig iti dayta, kinuna met ni Senate Minority Leader Aquillino Pimetel III a ti addang ken mangipalubos iti Presidente iti “regroup” ken baro a tattao nga agserbi iti gobierno.
