Posible a mangitunda iti “highest level” a pangta iti siguridad ti pagilian no mapaneknekan a pudno nga immawat ni Vice President Sara Duterte iti kuarta manipud sadiay China.
Daytoy ti kinuna ni President Ferdinand Marcos Jr. mainaig iti nasao nga alegasyon.
Sigun kenkuana, isyu iti seguridad ti pagilian daytoy no mapaneknekan nga agpayso.
Namnamaen ni President Marcos Jr. a saan a pudno ti alegasyon kontra iti bise presidente tapno awan ti pagdanagan, ngem iti kanito a mapaneknekan, dakkel daytoy a peggad iti pagilian a Pilipinas.
Maipalagip a kinumpermar ti Anti-Money Laundering Council (AMLC) nga immawat iti P319 million a kuarta manipud iti China ken Hong Kong ti kompanya a nainaig kenni VP Sara Duterte ken ti asawana.
Kabayatanna, agtultuloy ti imbestigasyon ti Department of National Defense seknan dagiti alegasion.
