Mailislista a dagiti krimen kontra kadagiti Korean nationals ti kangrunaan a pakaseknan ti Korean Embassy.
Gapu iti dayta, nagpakdaar ti Korean Embassy kadagiti Koreano nga agtaltalinaed iti Pilipinas a limitaranda ti aktibidad iti ruar.
Itay laeng kanikadua, nakipagtaripnong dagiti kangatuan nga opisial ti Philippine National Police, Presidential Anti-Organized Crime Commission, ken Department of Tourism kadagiti opisial ti embahad idiay Camp Crame tapno marisut dagiti pakaseknan iti seguridad.
Maibasar iti datos ti embahada, dumanon iti nasurok dua gasut a criminal incidents ti nairekord nga adda pakainaigan dagiti Korean nationals ita a tawen pakairamanan ti dua a kaso ti homicide, tallo a kidnappings for ransom, ken sangapulo ket maysa nga armed robberies.
Sigun kenni PAOCC Executive Director Gilbert Cruz, dakkel ti panagbaba ti turista manipod South Korea.
Impasigurado ti Philippine National Police a papigsaenda pay ti addang para kadagiti Korean nationals ken dadduma pay a ganggannaet.
