Temporaryo a nawayawayaan ti driver a nakadungpar iti pimmusay a 75-anyos a retired government ken residente sadiay Central Ambiong La Trinidad, Benguet kalpasan a nagpyansa daytoy.
Maipalagip nga idi May 22, 2025 ket pimmusay ti nasao a biktima ken naideklara a dead upon arrival daytoy iti ospital.
Iti pannakiuman ti Bombo Radyo kenni Pmaj. Marcy Grace Marron- Public Information Officer iti Baguio City Police Office, kinunana a manarimaan paylaeng ti kanayunan nga imbestigsyon nga isaysayangkat dagiti otoridad.
Iti initial nga imbestigasyon nga insayangkat ti pulisya, manarimaan nga isimsimpa ti suspek wenno ti driver ti panagparada daytoy idi kellaat nga adda ti nadungparna.
Sigun iti suspek, saanna a nasiputan nga adda iti tao sadiay ken inlawlawagna a saan met a napartak a nagparada daytoy.
Tinulunganna pay met ti biktima ken ditoyna a nadlaw nga agdaringungu ken agsarwa iti dara ti biktima.
Kinuna pay ti suspek a situtuloy daytoy a tumulong wenni mangipaay ti aniaman a kasapulan ti pamilya ti biktima.
Nupay kasta, agkidkiddaw daytoy iti naun-uneg nga imbestigasyon iti nasao nga insidente.
Iti agdama, awan paylaeng iti naala dagiti kapulisan a kopya ti cctv manipud iti mall a nakapasamakan ti insidente.
Naammuan met a saan a nakainum iti arak ti suspek ken kaduana pay ti pamilyana bayat ti nasao nga insidente.//Bombo Noveh Organo
