Agsasalungasing ita ti komento dagiti sumagmamano a Senador seknan iti mapapati a panakai-draft iti resolusyon a mangdismisar iti impeachment ni Vice President Sara Duterte.
Sigun kenni Senator Imee Marcos, adda ti sumagmamano a draft dagiti resolusyon para iti nasao a tignay a nakitana.
Innayon ti senadora nga addaan dagitoy iti nagduduma a pakay wenno panggep.
Iti sabali a bangir, kinuna met ni Senate President Chiz Escudero nga awan iti anyaman a resolusyon a naaramid bayat a kinuna met ni Senate Minority Leader Aquilino Pimentel III a ti nasao a padamag ket flawed logic ken big chance not authentic.
Daduma pay a senador iti nangibaga nga awan ti nakitkitada a resolusyon kas kenni Senator Risa Hontiveros kasta met ni Senator Cynthia Villar.
Kabayatanna, awan met ti komento da Senator Ronald “Bato” Dela Rosa ken Senator Bong Go seknan iti nasao nga isyu.
