Kinumpirmar ni Senador Ronald “Bato” Dela Rosa a nagtaud iti opisina daytoy ti kopya ti draft ti Senate Resolution a mangpangpanggep a maibasura ti impeachment kontra kenni Vice President Sara Duterte.
Sigun kenkuana, ti nasao a drafts ket mabalin a mainayon tapno makabukel iti nasaysayaat a version.
Kinunana pay a namnamaenna a maipila daytoy inton sumarsaruno nga aldaw.
Kabayatanna, immunan nga impetteng dagiti sumagmamano a mammanday-linteg nga “unconstitutional” no ibasura ti senado ti impeachment complaint nga impila ti House of Representatives kontra kenni Duterte.
Sigun kenni Manila City Third District Rep. Joel Chua, iti sidong ti Constitution ti trabaho ti Senado ket agdengngeg laeng rason nga awan ti karbengan dagitoy nga ibasura ti nasao a banag.
