Nagballaag ti Department of Health iti publiko nga agbalin a naridam kontra kadagiti disease nga agwarwaras nangruna ita a panawen ti panagtutudo.
Dagiti sakit a mabalin a maala ita a panawen ket kas ti dengue, nga iwaras dagiti lamok a nag-itlog kadagiti naurnong a danum.
Maiyunay-unay daytoy kasaruno ti nangato a nairekord a kaso ti nasao a sakit iti intero a pagilian idi napalabas a tawen.
Inladawan pay ti World Health Organization (WHO) ti dengue kas “mosquito-borne viral infection gapu iti nakaro a complication daytoy.
Dagiti sintomas ti nasao a sakit ket panagpanateng, nakaro a panagsakit ti ulo, panagsakit dagiti tultulang, rashes ken dadduma pay.
Gapu iti dayta, maiyunay-unay ti “4T strategy” wenno ti taob, taktak, tuyo, takip tapno maprebentaran kontra iti mosquito-borne diseases.
Malaksid iti dengue, nagballaag metlaeng dagitoy iti publiko kadagiti dadduma a sakit a mabalin a maala ita a panagtutudo kas ti water-and food-borne diseases, influenza-like illnesses, ken leptospirosis.
