Nababbaba ti nailista a kaso ti dengue ita a tawen iti 19% nu idilig idi napalabas a tawen idi January 1 agingga June 1 iti siudad ti Baguio.
Sigun kenni Ruby Magsino, Epidemiologist iti City Epidemiologist and Surveillance Unit ti CHSO, dumanon iti 390 a kaso ti dengue ti nailista ita a tawen.
Nupay kasta, nagpalagip ni Magsino iti publiko a saan nga agpakampante dagiti gaputa mangrugrugi paylaeng ti panawen ti panagtutudo.
Kinunana pay, a manipud kadagiti nasao a kaso ket tallo ti pimmusay gapu iti sakit a dengue iti umuna a quarter ita a tawen.
Mainaig iti dayta, inyebkas ti epidemiologist a manarimaan met dagiti nagduduma nga aktibidad ti sanitation division para iti clean-up drive kadagiti nagduduma a barangay iti siudad.
Malaksid iti dayta, maipatpatungpal metlaeng ti Oplan taob, denguera activities, ken vector surveilance dagitoy.//Bombo Gen
