--Ads--
Impetteng ni newly appointed Philippine National Police (PNP) Chief Gen. Nicolas Torre III, kadagiti police commanders ken dagiti police personnels nga agtartarigagay iti pannakaipromote a kasapulan a mangisumitir dagitoy iti affidavits of arrest kas resibo wenno proof of accomplishments.
Sigun kenkuana ti affidavits ket kasapulan kadagiti awanan iti warrant of arrest kas maibasar iti Rule 113 iti Revised Rules of Court.
Kagiddan dayta, inyunay-unayna ti akem dagiti pulis iti panangipatungpal iti linteg, panangprebentar ken panagkontrol iti krimen, panangpatalinaed iti linak ken kappia ken panangipasigudaro iti seguridad ti publiko.
Innayonna pay, a rumbeng nga ikkaten dagiti kriminal iti komunidad ken kadagiti kalsada.
