Nakemmeg ti 31-anyos a lalaki kalpasan a nakumpiskar manipud kenkuana ti P34,000 a gatad ti 5 a gramo ti shabu idiay Lower west Montecillo, Camp 7, Baguio City idi June 08, 2025.
Nakumpiskar metlaeng manipud iti suspek ti maysa a pidaso ti genuine 500-peso bill, tallo a pidaso ti boodle money a 1000 peso bill, maysa a red black motorcycle, susi ti motor ken helmet.
Nabigbig ti suspek a maysa nga online seller, awanan asawa ken residente iti Pinget, Baguio City.
Balligi a nakemmeg ti suspek babaen iti pwersa ti Regional Police Drug Enforcement Unit ti Police Regional Office Cordillera Administrative Region (RPDEU PROCAR ) – lead unit, Baguio City Police Office station 8, City Drug Enforcement Unit, Crime Intelligence Unit, Philippine Drug Enforcement Group Special Operations Unit 14 ken Regional Intelligence Unit kadwada ti ahensya ti Philippine Drug Enforcement Agency.//Bombo Noveh Organo
