--Ads--
LA TRINIDAD, BENGUET- Maipakpakammo iti publiko a maipatungpal ti temporaryo a traffic scheme iti Halsema Highway partikular iti Km. 5 agingga Km. 6 inton Hunyo dise sais iti agdama a tawen.
Daytoy ket para iti panakarambak ti La Trinidad Foundation.
Ti southbound lane wenno ti paturong iti siudad ket maiparekep bayat a ti northbound lane ket mailukat iti two-way traffic.
Malaksid iti dayta, maiparekep met laeng ti Strawberry Farm Diversion road.
Kabayatanna, maibasar iti executive order no. 027-2025, amin a klase kadagiti pampribado ken parapubliko a pagadalan iti munisipyo ti La Trinidad inton Hunyo 16, 2025 ket masuspindir kas panakarambak ti La Trinidad Foundation Day.
