--Ads--

Naiyunay unay ti importansya iti gender sensitivity bayat ti 2026 Women Entrepreneurs Summit iti municipal gymnasium ti Munisipyo iti La Trinidad, Benguet


Sigun kenni Orlanda Pacya- Cooperative Development Specialist II, iti agdama ket nakapokus dagitoy iti gender development kalpasan a naobserbaran a saan unay a maipapatrain daytoy kadagiti entrepreneurs.


Inlawlawag met ni Pacya a maysa kadagiti programa ti nasao a munisipyo ket ti pannakadevelop dagitiy entrepreneurs nangruna dagiti MSMEs no sadinno impeksana a makatulong daytoy para kadakuada babaen iti kaadda iti konsultasyon.


Malaksid ti dayta, agserbi daytoy kas safe space kadagiti entrepreneurs tapnu mangipaay kadagiti opinionda.


Kinuna met ni Pacya nga iti agdama ket saan pay unay a sanay dagiti highlanders iti panggep ti gender sensitivity and development a tungtongan, banag a maysa kadagiti nasken nga idevelop pay dagitoy.


Innayon ti nasao nga specialist a mayaplikar ti gender sensitivity and development iti entreprenurship babaen iti customer service tapnu awanen ti gender biases.


Kabayatnna, kagidan iti agtultuloy a panangsuporta dagitoy kadagiti MSME ti agtultuloy metlaeng a pannakaipatungpal dagiti aktibidad kas iti trade fair tapnu mas maitandudo ken makailako dagiti lokal a produkto.


Iti sabali a bangir, dumanon iti agarup 160 dagiti entrepreneurs manipud ti nagduduma a barangay iti munispyo ti La Trinidad kasta metlaeng dagiti barangay officials ken nagduduma nga MSME groups ti nakipaset ti 2026 Women Entrepreneurs Summit nga adaan tema “Women Empowering Women Through Stories of Growth and Success”. //via Bombo Noveh Organo