Impakaammo ti Department of Health nga under control itan ti kaso ti mpox iti Pilipinas rason a saan a karaman daytoy iti public health emergency iti international concern nga impayulog ti World Health Organization (WHO).
Sigun kenni Health Secretary Teodoro Herbosa, iti baet a nangato ti nailista a kaso ti nasao a sakit nababbaba latta daytoy no idilig iti nailista idi napalabas a tawen.
Nupay kasta, kinunana nga adda ti bassit a ngimmatuanna dagiti dadduma a kaso kadagiti sumagmamano a local government units.
Gapu iti dayta, nainget latta ti agtultuloy a kampanya dagitoy babaen iti pangisuro, panang-isolate ken dadduma pay tapno saan nga agwaras ti nasao a sakit.
Saanna metten nga imbaga dagiti eksakto a lokasyon dagiti nailista a baro a kaso ti mpox ngem maiyunay-unay iti publiko nga agridam ken agannad.
