Pakabuklan iti 37,740 a police officers ti maideploy kadagiti 45,974 a public ken pribado a pagadalan iti intero a Pilipinas para iti panaglukat ti klase inton bigat.
Naipasdek metten dagiti 5,079 a Police Assistance Desks kadagiti asideg dagiti pagadalan tapno mang-asistar kadagiti estudyante, nagannak ken dagiti school staffs.
Malaksid iti dayta, 10,687 nga officers ti mangipatungpal iti mobile patrol, bayat a 16,366 dagiti naidesignar a mangipatungpal iti foot patrols kadagiti high-density areas ken critical zones.
Sigun kenni PNP chief Police Gen. Nicolas Torre III, panggep dagitoy nga ipasigurado ti seguridad dagiti ubbing bayat ti panagsublida manen iti pagadalan.
Kabayatanna, panggep pay dagitoy a mang-organisar iti dialogo kadagiti estudyante tapno masolbar dagiti isyu iti uneg ti pagadalan kas ti bullying ken dadduma pay.
