Inyuswat ti Presidential Anti-Organized Crime Commission (PAOCC) ti one-stop shop idi kalman a mangrisut kadagiti reklamo dagiti biktima ti abusado nga online lending applications.
Inlawlawag ni PAOCC Executive Director Gilbert Cruz a saanen a kasapulan nga agturong dagitoy iti pulis nu diket addan ti nasao nga ahensia para iti nalaklaka a panangipila ti reklamo.
Ti complaint desk ti Presidential Anti-Organized Crime Commission idiay Pasay City ket addaan kadagiti pannakabagi manipod iti National Bureau of Investigation, Criminal Investigation and Detection Group (PNP-CIDG), Philippine National Police Securities and Exchange Commission (SEC) ken manipod iti anti-cyber crime group daytoy.
Maibasar iti datos, nasurok 13,000 a reklamo manipod Abril agingga Mayo iti agdama a tawen ti naawat ti nasao nga ahensia manipod kadagiti tattao a nabiktima ti lending applications.
