Naituding a maipatungpal ti deliberation inton June 19 seknan iti parikut iti pagtaengan da Maribel Dela Cruz Balayog manipud Upper Quezon Hill, Baguio City ti immuna nga inreklamo ti kaaruba daytoy gapu ta awanan daytoy iti building permit.
Iti panakiuman ti Bombo Radyo kenni Angel Nerveza Engineer 3, iti City Buildings and Architecture Office, inlawlawagna nga awan pay ti demolition order para iti pagtaengan ti nasao nga indibidual.
Impettengna a ti resolution para iti nasao a banag ket maipaulog kalpasan ti deliberation.
Sigun kenni Nerveza maipatungpal ti deliberation gapu ta ti pagtaenganda Balayog ket passet ti road right of way iti siudad ti Baguio.
Inyunay-unayna a ti nasao nga estruktura ket sakupen ti “public land.”
Kabayatanna, imbinglay met daytoy nga adda ti counter complaint ni Balayog kontra iti kaaruba daytoy a nangireklamo kenkuana kalpasan a natakuatanna nga awanan metlaeng ti kaarubana iti building permit para iti pagtaengan daytoy.
