Ibabawi ni Mr. Rafael Serrano, Organizer ti Fishing Tournament ti insingasingna iti lokal a konseho a ma-institutionalize ti fishing tournament idiay Burnham Lake.
Iti pannakiuman ti Bombo Radyo kenkuana, panggepna kuma a mainayon ti fishing iti sports tournament iti siudad ti Baguio.
Inlawlawagna nga iti kanito a ma-institutionalize ti Fishing Tournament ket adda ti mailatang a pondo manipud iti lokal a gobierno para iti trophies, primio ken dadduma pay.
Nupay kasta, saannan nga ituloy ti singasingna kalpasan a napaay daytoy gapu kadagiti nagduduma a komento ken kapanunutan dagiti opisiales a nangsair iti riknana.
Karaman ditoy ti panggep dagiti dadduma a maseknan a pagbalinen a libre ti Fishing tournament.
Inlawlawag ni Serano nga iti kanito a libre ti fishing tournament, saan a malimitaran dagiti makipaset ken posible a mangitunda iti pannakadistorbo dagiti ag-boating iti Burnham lake.
Impetteng ti nasao nga opisial a napanunutna nga ibabawina agsipudta napintas, naannayas ti pannakaipatungal dagitoy ken awan ti problema iti baet a saan a na-institutionalize.
Kabayatanna, inyunay-unay ni Serrano a dakkel a pakaibabainan ti masya a tao no adaptarenna ti pannaka-institutionalize ti fishing tournament ita nga inbabawina daytoy.//mp4
