Baguio City- Naragsak nga impakaammu ti Lions Nation MMA dagiti naaramidan da iti lubong ti martials arts kalpasan ti dua a tawen manipud idi nagrugi da.
Sigun kenni MMA legend Eduard Folayang, maysa kadagiti founders ti Lions Nation MMA club a maysa kadagiti programa nga imprioridad da ti panagital-o ti grassroots program babaen iti panangisuro kadagiti agtutubo nga interesado iti martial arts kas iti wushu, muaythai ken kickboxing.
Impannakel pay ti mma champion nga nagserbi da kas trainors ken coaches kadagiti atleta ti Baguio City ken Benguet Province a nakisalip iti Cordillera Administrative Region Athletic Association ken Palarong Pambansa.
Innayon na a kasapulan ti agtultuloy a panangi-giya da kadagiti sumaruno a batch dagiti atleta tapno adda dagiti pagtaudan a baro a martial artist a mangrepresentar iti Cordillera kadagiti national ken international competitions.
Malaksid iti dayta ket pinagyaman pay ti sugud a One Lightweight Champion dagiti nagon-od da iti international stage kas iti panagballigi manen ni Joshua Pacio kas Strawweight World Champion iti ONE Championship.
Karaman pay kadagiti kangrunaan nga accomplishments ti Lions Nation MMA ket ti panagsubli iti MMA cage da former Bantamweight World Champion Kevin Belingon, Danny Kingad ken Jeremy Pacatiw.
Naipannakel pay ti dakkel a kontribusyon ni former ONE championship Featherweight World Champion Honorio Banario kas miembro ti Philippine National Kickboxing Team member a limmaban iti 2024 Southeast Asian Games idiay Vietnam.// Bombo Jordan Tablac See less
