Makidkidaw ti long term solution iti agluplupyas ken naangot a sewer sadiay Maharlika Livelihood Complex Center iti siudad ti Baguio
Iti pannakiuman ti Bombo Radyo kenni “Alex” maysa a vendor, kinunana nga agluplupyas ti nasao a sewer nangruna no agtudo.
Kinunana a madaldalusan daytoy ngem kiddawda ti long term a solusyon tapno masolbar ti nasao a pakaseknan.
Impetteng metlaeng ni “Sammy” maysa metlaeng a vendor sadiay a saan met a mabayagan iti maysa a bulan ti panaglupyas daytoy ngem nakaro ti angotna iti kanito nga aglupyas daytoy.
Kinunana metlaeng nga adda dagiti rugit ti tao a rumrummuar kasta metten dagiti nag-arasawan ken dadduma pay.
Kabayatanna, kinuna ti HSDC ti sigud a mangimanmanehar iti Mahalika Livelihood Complex Center ti sewer ket nakakonektar iti nasao nga establisiemento.
Sigun kadakuada ti rason ti panaglupyas daytoy ket gapu iti kinadaan ti nasao a pasdek kasta metten a maur-urnong dagiti rugit rason nga aglupyas daytoy.//Bombo Noveh Organo
