Impakaammo ni Israeli Ambassador to the Philippines Ilan Fluss a nagsublin iti normal ti sitwasyon sadiay Israel ngem ituloy latta ti gobierno a mang-asistar kadagiti Pilipino a mangpanggep nga agawid iti Pilipinas.
Kinumpirmarna daytoy kalpasan a naikkat ti state of emergency sadiay Israel kasaruno ti ceasefire dagitoy sadiay Iran.
Gapu iti dayta, kinunana a natalged itan a rumuar dagiti Overseas Filipino Workers manipud kadagiti pagtaengan dagiti employer-da.
Iti baet dayta, agtultuloy latta ti panagregget dagitoy tapno matulungan nga agawid iti Pilipinas dagiti Overseas Filipino Workers a mangpanggep nga agawid rason a makikikoordinarda iti Philippine Embassy, Overseas Workers Welfare Administration (OWWA), ken iti Department of Migrant Workers (DMW).