Manarimaan ti imbestigasyon ken pannakabigbig no manu amin ti danyos ti nauram a pagtaengan sadiay Youngland, Camp 7, Baguio City itay agsapa.
Iti panakiuman ti Bombo Radyo kenni Fire Officer 2 Clint Dominick Labon, Investigator Bureau of Fire Protection-Baguio, kinunana a naitawag ti nasao nga uram idi 11:38 itay agsapa babaen iti maysa a concerned citizen rason a dagus a nagresponde dagitoy.
Gapu iti dayta, naideklara a fireout daytoy iti pasado alas dose ti pangaldaw.
Sigun kenni Labon, totally burned ti nasao a balay gapu ta naaramid daytoy iti kayo, concrete ken galvanized iron.
Nauram met amin dagiti kagawaan iti uneg ti balay.
Kabayatanna, impetteng ti bumalay a nabigbig a ni Angelse a nagbrown out rason a nagdesisyon ti apokona nga apan dagitoy iti lagoon ta adda ti kuryente sadiay.
Kinunana a pasado alas singko itay agsapa a pimanaw dagitoy ngem inikkatda amin nga appliances a nakasaksak.
Daytoy met ti kaunaan nga structural fire iti siudad ti Baguio ita a bulan.
