Kinompirmar ti Department of Health nga awan ti pimmusay kadagiti estudiante a na-ospital kalpasan ti insidente ti foul odor iti maysa a pagadalan idiay Antique idi June 02, 2025.
Maipalagip a kinuna iti Probinsia ti Antique a naitaray iti ospital dagiti sumagmamano nga estudiante kalpasan a nakaangotda iti saan a nabigbig a substance iti Pis-anan National High School [PNHS].
Nakarikna dagitoy iti pannakaulaw ken panagbakwar, kalpasan a nakaangotda iti maatap a toxic chemical.
Gapu iti dayta, binilin ti medical authorities dagiti residente nga asideg iti Pis-anan National High School nga agridam dagitoy.
Maibasar iti social media post iti probinsia ti Antique, agarup 100 a pasiente ti naiturong iti Ramon Maza Sr. Memorial District Hospital idi June 02, 2025.
Naiyakar dagiti 20 a pasiente iti Angel Salazar Memorial General Hospital, bayat a 37 ti nirespondian dagiti medical responders iti triage set up idiay Barangay Pis-anan gymnasium.
Sigun iti manursuro idiay Pis-anan National High School a ni Mark Del Rosario, nangrugi a nagreklamo dagiti estudiante gapu iti foul odor kabayatan ti first period ti klase dagitoy.
