Pormal a nangipila ti businessman a ni Charlie “Atong” Ang iti reklamo kontra kenni Alyas Totoy kasaruno iti panang-akusar daytoy kenkuana kas mastermind iti kaso dagiti mapukpukaw a sabungero.
Ita laeng nga aldaw ket nagturong ni Ang ken ti kampo daytoy idiay Mandaluyong Office of the City Prosecutor tapno ipila ti complaint-affidavit.
Kagiddan dayta, inlawlawag ti nasao a negosyante nga amin dagiti iramraman nga ak-akusaran ni Alyas Totoy ket natitino,disente, ken saan a kriminal.
Gapu iti dayta, kidkiddawenna ti panangdengngeg dagiti mangtingiting iti kaso iti bennegda ken saan laeng nga iti ibagbaga ti mangak-akusar kadakuada.
Maipalagip nga ibagbaga ti maysa nga Alyas Totoy a ni Atong Ang ti mastermind iti kaso dagiti missing sabungero nu sadino, dinakamat pay daytoy nga adda ti pakainaigan ti aktres a ni Gretchen Barretto.
Ti maibagbaga a whistle-blower ket immunan nga immanugot nga iwaragawag ti kusto a nagan daytoy a Julie Patidongan- maysa kadagiti mapapati a nagserbi kas dadaulo iti security agency iti farms ken cockpit arenas ni Atong Ang.
Kabayatanna, imbilang metten ti Department of Justice ni Gretchen Barretto ken Atong Ang kas suspects iti kaso dagiti missing sabungero.
