Insumitir iti International Criminal Court prosecutor ti maika-onse a batch dagiti ebidensya kontra kenni sigud a president Rodrigo Duterte seknan iti kaso daytoy a crimes against humanity.
Sigun iti report, imprisinta iti ICC Prosecutor dagiti baro nga ebidensya iti defense team ni FPRRD a paset iti rules of procedure and evidence iti nasao nga international tribunal.
Karaman kadagiti naiprisinta kadagiti ebidensya ti maatap a pammapatay nga impatungpal iti Davao Death Squad kabayatan ti panagtakem ni Rodrigo kas mayor iti Davao City, kasta metten dagiti isu metlaeng a kaso kadagiti barangay clearance operations idi presidente daytoy.
Maipalagip a ni FPRRD ket inarestar dagiti otoridad idi bulan iti Marso ken naiturong daytoy idiay The Hague Netherlands.
Ti kaso a sangsangwenna ita ket adda iti pakainaiganna iti maatap a pammapatay kabayatan ti kampanyana idi kontra iligal a droga.
