--Ads--
Pimmusay ti dua a babai kalpasan a napalpaltugan dagitoy iti Richmond Road Baptist Church idiay Lexington, Kentucky.
Sigun kenni Kentucky Governor Andy Beshear, naglibas pay ti suspek paruar iti simbaan nu sadinno, dua a lalaki metlaeng ti pinalpaltuganna.
Pinaltugan metlaeng ti suspek ti maysa a sundalo nga asideg iti Blue Grass Airport.
Kalpasan ti sumagmamano a minuto ket naimatangan dagiti otoridad ti suspek nga awananen ti biag.
Naiturong met iti pag-agasan dagiti nadangran a biktima bayat nga am-ammuen dagiti otoridad ti motibo ti supek iti insidente.
