--Ads--
Temporaryo a sinuspinder ti Philippine Coast Guard (PCG) ti search operations para kadagiti mapukpukaw a sabungeros iti iti Taal Lake gapu iti saan a nasayaat a sasaaden ti panawen.
Sigun kenni Department of Justice (DOJ) spokesperson and Assistant Secretary Jose Dominic Clavano IV, nasuspinder daytoy gapu iti nalibeg a danum a mangsinga iti diving operations kasta metten ti seguridad dagitoy.
Kabayatanna, impetteng met ni Justice Secretary Jesus Crispin Remulla a ti search operations ket possible nga agbayag iti innem a bulan.
Daytoy ket gaputa manamnama nga adda dagiti kondisyon kas iti bagyo a mangsinga iti operasyon.
