Agsagsaganan dagiti opisial ti Sanguniang Kabataan ti siudad ti Baguio ken kameng ti Local Development Council-Baguio para iti mapadpadaanan a Linggo ng Kabataan a maipatungpal inton bulan ti Agosto.
Iti pannakiuman ti Bombo Radyo kenni John Rey Mananeng, Sanguniang Kabataan Federation President iti siudad ti Baguio, kinunana nga adu ti naipilan a programa para kadagiti agtutubo iti siudad ti Baguio.
Karaman kadagitoy ti Ravevolution 2025 inton Agosto 3 iti Convention Center, Battle of the Bands inton Agosto 9, Baguio Youth Parliament inton Agosto 15 agingga 16, ken dadduma pay.
Guyguyuguyen ti nasao nga opisial dagiti amin nga agtutubo a makipaset iti nasao a programa.
Sigun kenni Mananeng, ti Linggo ng Kabataaan ket saan laeng a maysa a Domingo nu diket, makabalun a selebrasyon.
Iti baet nga awan ti Sanguniang Kabataan Official dagiti sumagmamano a barangay iti siudad, kinunana nga al-allallukuyenna latta dagiti agtutubo a makipartisipar iti nagduduma a programa.
Kabayatanna, malaksid iti nasao a programa, naituding nga ipatungpal metlaeng ti Sanguniang Kabataan Federation ken Local Development Council-Baguio ti Health Summits, Mental Health Summits, Leadership Summits ken dadduma pay.
