Agtultuloy ti panangipatungpal dagiti maseknan nga otoridad iti Oplan Tangguyob sadiay Itogon, Benguet partikular sadiay Virac, Ucab, ken Ampucao kagiddan ti napigsa a panagbayakabak ti tudo gapu iti bagyo a Crising.
Malaksid iti dayta, agtultuloy metlaeng ti maipatpatungpal a monitoring ken response operations iti aglawlaw ti nasao a munisipyo.
Malaksid iti dayta, mai-monmonitor metlaeng ti lebel ti danum iti Spillway Dam sadiay Binga, Barangay Tinongdan, tapno masukimat ti senyales ti possible a panaglupyas ken panaglayos daytoy.
Maipatpatungpal pay ti road monitoring ken panagdalos tapno maipasigurado ti natalged a pagnaan dagiti umili.
Kabayatanna, idagdagadag met ti local a gobierno kadagiti amin a residente sadiay nga agtalinaed nga alerto, naridam, suruten dagiti advisories ken maki-cooperate kadagiti otoridad.
