Naglusolus iti takem ti CEO ti tech company nga Astronomer a ni Andy Byron.
Daytoy ket kalpasan a nagviral dagitoy gapu ta naalada iti “kiss cam” no sadino maimatangan a nakaarakup ni Byron iti HR head ti kompanya dagitoy a ni Kristin Cabot kabayatan iti konsierto ti Coldplay.
Iti nasao a konsierto, naiturong ti kiss cam kadakuada ken ditoy a dagus a niliklikanda ti nasao a camera.
Gapu iti dayta, kinuna ni singer Chris Martin a mabalin a dagitoy ket addaan iti affair wenno mabain laeng dagitoy.
Nupay kasta, kalpasan a nagwaras ti video ket naipakaammo a ti lalaki iti footage ket maysa a CEO ken ti babai ket HR head ken naam-ammoan nga agpada dagitoy a naasawaan.
Iti panangipila ni Byron iti resignationna, inawat dagitoy ti Board of Directors.
Gapu ta ti nasao a kompanya ket naka-komit iti values dagitoy.
Ni Byron ket nagbalin a CEO ti Astronomer idi pay tawen 2023 bayat a sinemrek iti kompanya ni Cabot idi tawen 2024.//M
